أكلات اللحوم

الدجاج المشوى بالفرن

الدجاج المشوى بالفرن

المقادير:

دجاجة وزنها حوالي كيلو
2 ثمرة بطاطس كبيرة
3 بصلة كبيرة
2 طماطم كبيرة
حوالي 5 أعواد بقدونس وزيهم كسبرة
بهارات مشكلة (ملح – فلفل- كمون- جنزبيل مطحون – قرفة – كاري- كركم)
عصير ليمونة واحدة

طريقة التحضير:

1- بنغسل الدجاجة كويس جداً بالملح والدقيق والليمون ونسيبها تصفي الماء اللي فيها.

2- في وقت ما الدجاجة بتتصفى من الماء بنبشر البصلتين والطماطم ونحط عليهم عصير الليمون والبهارات ونقلبهم كويس مع بعض.

3- ناخد الدجاجة بعد ما اتصفت من الميه كويس جداً، ونقطعها، ونمسك كل قطعة وندخّل التتبيلة اللي عملناها بالراحة ما بين الجلد واللحم.

4- نحط الدجاج في طبق، ونلفه كويس بكيس بلاستيك ونغطيه بغطاء ونسيبها طول الليل في الثلاجة.

5- تاني يوم نجيب البصلة الثالثة ونقطعها شرايح رفيعة ونقطع البطاطس مكعبات، ونشوّح البصل والبطاطس مع بعض مع شوية ملح صغيرين في الصينية اللي هنعمل فيها.

6- نخرّج الدجاج من الثلاجة ونرصّها فوق البطاطس والبصل اللي شوحناهم مع بعض، وبنحط عليهم حوالي كوب واحد ماء، وبعدين نحط عليهم أعواد الكسبرة والبقدونس (بدون تقطيع).

7- نغطي الصينية بورق الفويل وندخلها الفرن على درجة حرارة ما بين 180 إلى 200 درجة ونتركها من ساعة لساعة وربع على حسب ما الدجاجة تستوي.

8- قبل ما نخرجها من الفرن بنشيل ورق الفويل من على الصينية ونحط الدجاج تحت الشواية علشان تتحمر شوية.

9- بعد كده بنخرجها من الفرن وتقدم ساخنة.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق